استراحة الجود

تجربتي للأسف كانت سيئة جدًا. قبل الحجز تواصلت مع صاحب الاستراحة وطلبت منه يتأكد من المكيفات ونظافة المسبح، وقال لي «تمام» وثقت بكلامه وحجزت وكان يرد عليا ع طول . وصلنا وتفاجأنا أن كل المكيفات حارة وما تبرد، وأحد المكيفات كان ينزل موية كأنه شلال والله شي مو طبيعي وكأني في ألعاب مائية ما كأني بغرفة ، والمكان صار كله رطوبة من كثرة الموية ومكيفات حارة لكم ان تتخيلوا الجو 🤢، بالإضافة إلى أن المسبح كان غير نظيف لدرجة كل اطفالنا بالمسبح خرجوا منه متحسسين وجسمهم انعدم الكل اتحسس مو واحد ولا اثنين بالذات وجههم ورجولهم فيه علامات تسلخات وكأنه احد جرهم ع اسفلت وهذا يدل ع وحود اوساخ وترسبات في الموية بالمختصر غير نظيييييف فورا طلعناهم اللي قاهرني انو ليتني صورت ووثقت والله لانزلها ولا ينظلم احد ثاني فيها لان تعامله كان فيه انانية اهم شي هو يستفيد. تواصلنا مع الحارس عشان يكلم صاحب الاستراحة، وبعدها حاولنا نتواصل معه مباشرة لكنه ما يرد علينا اساسا من وقت تم تحويل كامل المبلغ وهذا غلطي اني سلمته ووثقت فيه قبل اتأكد من كل شي من بعدها ما عاد يرد ع احد وحتى رسالتي له في الواتس ما رد عليها للان لانه عارف انه مو مهتم والاستراحة يحتاج لها صيانة مكيفات وتنظيف مسبح لو بس رد واعتذر كان يهون الموضوع لكن ما عاد له أثر وكلمة حسبي الله ونعم الوكيل تكفي . المشكلة مو في مبلغ الـ450 ريال، المشكلة في الثقة والالتزام بالكلام، خصوصًا أني كنت جايبة ضيوف وانحطيت بموقف محرج بسبب عدم جاهزية المكان. أتمنى مستقبلًا التأكد من جاهزية الاستراحة قبل تسليمها للعميل والتعامل مع العميل بمسؤولية واحترام ونصيحة عشان ما تنغشوا في يوم لان للاسف هالنوعيات ما زالت موجودة روحوا واتأكدوا وبيوم الحجز لا تسلموا باقي المبلغ الا بعد ما تتأكدوا من كل شي معليش ينتظر التحويل منكم الاهم انكم بنفسكم تتأكدوا من المكان والفلوس فدا لكن اتأكد ان فيه رب يحاسبنا يوم لا ينفع مال ولا بنون خلي الفلوس تنفعك وقتها .

‏و الله الشاليه حلو ونظيف وقضينا في وقت ممتع أنا وصحباتي وبنات عمي انبسطنا مرة المطبخ متكامل وفي فرن وفيه بوتجاز لو حبيته تطبخوا فيه جيبوا عفشكم معاكم

استراحة جميله ونظيفه وكل الخدمات فيها وصاحب الاستراحة والحارس متعاونين

السعر ممتاز