استراحه الورود

العامل أسلوبه سيئ جداً وغير متعامل ومايسوي اي شي الا لازم تكلمه ولايشغل المكيفات الا لازم توصل الاستراحة وتدفع

العامل معاملته سيئة نصيحة لصاحب الإستراحة هذا العامل ثخلي كل من يأتي ما يرجع مرة ثانية

الإستراحة واسعة وهادئة ولكن التعامل السيء من قبل الحارس ينغص عليك ويجعلك في حالة توتر ، تحس حالك مراقب في كل كبيرة وصغيرة كأنك في بيت من زجاج مطلوب منك عدم التحرك لأجل ألا يتكسر شيء الإستراحة أخذت لأجل الراحة وتغيير جو البيت والعائلة والاستمتاع بالوقت فيها وهذا يكدره التعامل السيء والتدقيق الشديد الذي لا داعي له

يا اخوان اخذروا ،الدين المعاملة والصدق والمسلمون على شروطهم ، انتبهو من هذه الاستراحة وخص الاجانب لان الرجل غير صادق في المعاملة واخلف كلامه وتكدر خاطرنا وضاقت صدورنا ونحنا دافعين مبلغ٣٥٠٠ ريال وفوق هذا اتعبونا هو وعامله النصيحة لا احد يستاجر منه واذا تشوفون تعليقات ايجابيه فربنا من اقاربه او اصدقائه او تعليق قديم والله اعلم ، ولكن افضل انكم تشوفون غيرها

استراحة سيئة جدا مافي صدق في التعامل والحارس اللي فيها سيئ جدا يضعون أمام الأمر الواقع لما توصل الاستراحة مايقبل يفتحها لك إلا تدفع تأمين والغرض من التأمين النصب لأنه يبدأ يفتش على أمور تافهة في سبيل مايرجع لك مبلغ التأمين نصيحة لوجه الله لا تتعاملوا معهم

أسوأ تجربة مرت معي على الإطلاق. التعامل كله سيء جدا جدا جدا. نسأل الله أن لا يبتلي أحد بالتعامل معهم. كنا مجموعة ست عوائل استأجرناها نبي نقضي العيد مع بعض. فتفاجأنا أول ما وصلنا الصباح الحارس رفض يفتح الاستراحة قال لازم تأمين 500 ﷼وهذا بدون اتفاق بيننا وبين المالك. بس المالك ما يرد واضطرينا ندفع له عشان نقضي العيد العوايل بقت في الشمس ساعة تقريبا والحارس رافض يفتح لين أخذ التأمين وبعدها صار الحارس فوق روسنا مثل البلا، هذا لا وهذا لا، ولا تسووا كذا ولا كذا. بعد الظهر انقطعت الموية قال انا الصباح معبي الخزان فين روح كل هذا موية هذا فلوس زيادة قلت له عيد وذبح وعوايل يعني ما تبي نستعمل الموية؟! وكنا نغسل القدر بالمطبخ قال ليش تغسلوا بالمطبخ؟ أخاف ينسد التصريف. وبعد العصر ما أدري لين الأولاد قالوا لي الحارس خرجنا من المسبح، قلت له ليش؟ قال موية المسبح نقصت أنا كذا أجيب وايت فلوس زيادة، قلت له جيب احنا دافعين لك 3500﷼ مالنا علاقة. وبعد ما أتعبنا وبلشنا قال أنا لي خمس سنوات أول مرة أشوف نفر كذا مو كويس. قام واحد من الحاضرين قال له رح لا عاد تجي يوم نخرج إذا الاستراحة فيها شي نتفاهم، قال طيب. ولما جا وقت الخروج لف بالاستراحة أكثر من نص ساعة يصور ويدور على شي خربان. ولما ما لقي شي خربان قال في حجر في المسبح وحجر في النافورة وموية المسبح نقصت، ورفض يرجع لفلوس، وتم رفع شكوى في وزارة السياحة وقالوا ما عليكم تابعوا الاجرآت وإن شاء الله حقكم مردود. والله ما أنصح أحد يتعامل معهم. المالك يورطك مع حارس، وحارس ما يستحي، ولا عاد يرد عليك. يعني يضعك أمام أمر واقع. إما تزيد الفلوس أو ما في استراحة. والله لو يعرضها علي بلاش ما عاد أقضي بها عيد. حسبنا الله ونعم الوكيل.