منتجع الراشد

اول شي المكان المفروض يكون اسمه (استراحه صغيره)مب منتجع ، وانا عند باب الدخول اشوف الخيول ، صغير مره كنت متخيلته مسافاااات واسعه و منتجع حرفيا بس للاسف ثاني شي المسبح وصخ وصخ وصخ لدرجه مرعبه حتى الفلتر جوا المسبح مادري خربان ولا مايشتغل ليه ،، بس يزعجنا على الفاضي ثالث شي البيبان و الاثاث متهاااالك عراوي البيبان خربانات كلها رابع شي مافيه دش ! فقط فيه دش واحد والمسبح كبير مره هل يعقل ان 15 شخص بينتظرون بعض على دش واحد و يدخلون بالدور؟ خامس شي الحمام الخارجي خرب و بدا يطلع من الفتاشه مويه 🤢 وماقدرنا نستخدمه ليين دخل العامل يصلحه يعني ميزة المكان منظر الجبال فقط اما مستحيل اعيد الجيه له لان حتتى الطريق رايح جاي مع تريلات 🫩

مننننندق وبعيد جداً جداً ومافيه خدمات وموية المسبح مهب نظيه والحمامات مافيه الا واحد فيه مروش !! وريحة الخيول مدوده صراحه مااعيد التجربه للاسف جميل الكنبات حلوه وجديده ونظيفه والمسطحات الخضراء حلوه بس مايستاهل السعر ابددداً

التشجير والمكان الخارجي جميل ولكن المسبح غير نظيف الماء غير صافي ابداااا والبيت مرتب ولكن الحمامات سيئة جدا ولها ريحه ومقابض البيبان متخلعه ومكانها بعيد جدا اذا كان الاجتماع نساء فقط ماانصح فيها والسعر مقابل المكان غالي جدا ياليت يكون فيه اهتمام اكثر

تجربتنا كانت سيئه المكان يحتاج لصيانه دورات المياه متهالكه وغير مناسبه للاستخدام حشرات ورائحه منطقه الخيول كريهه جدا والمكيفات اليوم الثاني جدا حاره طلعنا ماقدرنا نكمل والاهم ما انصح فيها للعوائل ولا للمبيت نهائيا موقعها داخل داخل مستودعات او احواش وعماله موحشه بالليل حقيقه .