شاليه أوف OFF

الشاليه جدا جميل ومرتب ونظيف لكن عندي نقطه انا اخذت مبيت وكانت النوافذ تنفتح من برا ماتتسكر مافيها امان وياليت لو كان فيه حاجز بين الصاله والغرفه عشان نور الشمس مايكون قوي بالغرفه

حجزنا من الساعة ٧ الصباح الى الساعة ٥ دخلنا الساعة ٩ الصباح وماكان عندنا اي مشكلة لكن!! التعامل سيء ومستعد يطرد زباينه على اي تصرف من ناحية النظافة من داخل لا بأس لكن من ناحية المسبح حشرات وتحسون فيه لزوجه وتم تعبئته قبلها بليله وتواصلنا مع العامل قال عبيته قبلها بليلة ومحد استخدمه كوني انا حاجزه المكان أفضل يتم تعبئته في يوم حجزي ولمن تواصلنا معاهم واتس التبرير ٩٨٪؜ محد يحب ينتظر المسبح طيب هل سألتني ؟ لا طبعا قال اذا مو عاجبك سلمي الشاليه ويسترجع المبلغ ما اكرر ولا انصح ولو فيه اقل من نجمه حطيت عيدوا النظر فالاسلوب مهم جدًا

شاليه المسبح فيه حشرات و للأسف حصل لنا موقف خطير جدًا ما نتمنى يصير لأي أحد. أثناء تواجدنا في المسبح طاحت علينا إحدى الإضاءات وحصل التماس كهربائي مع الماء، وتعرضنا لصعقة كهربائية، ومن شدة الخوف والصدمة خرجنا مباشرة من الشاليه. ما كان ودنا نصعد الموضوع، ولكن بعد مطالبتنا بحقنا وتعويضنا عن الحجز، خصوصًا اننا ماجلسنا في الشاليه إلا قرابة ساعتين، كان رد صاحب الشاليه “انتم اخترتم الخروج من الشاليه قبل انتهاء الوقت"! صحيح خرجنا ولكن مش بإرادتنا بل بسبب حادث كهربائي داخل المسبح وخوفًا على سلامتنا وتوجهنا للاسعافات. أتمنى من صاحب الشاليه التعامل مع الموضوع بمسؤولية أكبر، والتأكد بشكل عاجل من سلامة الكهرباء والإضاءة حول المسبح، لأن الموضوع متعلق بأرواح وسلامة الناس قبل أن يكون مجرد حجز ومبلغ مالي.