شاليه أوركيد الفرسان Alfursan Orchid Chalet

شاليه جيد للجمعات والمناسبات ولكن يحتاج شوي اهتمام مثل الإنارة الخارجيه ودورات المياه

السلام عليكم ورحمة الله وبركاته مو اول مره اتعامل معاهم المره الأولى كانت نظيفه ومرتبه ولافيها شي خربان امس انصدمت من الموقف اللي حطني فيه الحارس لاني حجزت قبل العيد على ثالث ايام العيد بمبلغ ٣٠٠٠ ريال وتأمين ٣٠٠ لان عندي ضيوف وعشاء كبير وقلت له وقت الحجز ابي كل شي يكون نظيف ومرتب قال لي أبشري ولايهمك امس اتفاجا لما دخلت انها قمة الوساخه ودورات المياه بعضها معطل والسيفونات خربانه والمغسله مسدوده والثلاجة خربانه وماتبرد اتصل بالحارس واقوله ليش كذا عطني صاحب الاستراحه اتواصل معاه قال باستهتار هو موجود مسافر برا قلت من المسؤول عنها قال بكل استفزاز انا قلت اوكي بيني وبينك وزارة السياحه اخيرا جاب سباك تخيلوا الساعه ٩ ونص اطلع ضيوفي من المجلس عشان السباك يصلح دورات المياه لما جيت أحول له المبلغ المتبقي من قيمة الإيجار قال لو سمحتي لاتحولي المبلغ كامل جيبي لي ٥٠٠ ريال عشان احولها لولدي ؟؟؟؟؟ قلت اذا تبي كاش تكتب في العقد انك استلمت كامل المبلغ ٢٥٠٠ مع التأمين ٣٠٠ كاش قال طيب بصراحه موقف امس لا احسد عليه لأنه نكد علي الله يسامحه بس عندي سؤال لمالك الشاليه ليش تهمل حلالك للعمالة اللي ماهمها إلا الراتب نهاية الشهر ليش ما تتفقد حلالك بين فتره وفتره لانه والله حرام هالشاليه الكبير والجميل يهمل بالطريقه هذي والله حرام ياليتكم توظفون عيالكم عيال البلد كمشرفين واداريين عن هالعماله اللي بصراحه القليل منهم صالح يا صاحب الحلال روح شوف الاستراحه كيف مكسره ولا فيها صيانه ولا شي الا إذا كنت تعرف وراضي هذا شي بينك وبين ربك هذي اخر مرره اجيها او استأجرها لان بصراحه المبلغ المطلوب للايجار حرام لقاء الخدمات السيئه وقلة النظافه وكلمتي للإخوان والأخوات اللي يبون يستاجرونها يروحون يشوفونها ويتاكدون من الخدمات والنظافة والأهم يتأكدون ان القيمه المطلوبه مكتوبه بشكل واضح لاني حسيت فيها تلاعب واستغلال اسفه على الاطاله لكن تكلمت عن اسوء تجربه في حياتي