منتجع نجد

المنتجع جميل وهادي والاجواء جميله والمرافق مرررره نظيفه والتعامل راقي جداً يستحق الثناء ويستحق يكون وجهه مثاليه لكل عائلة حيث يضم غرف وافيه ومجالس وجلسات خارجيه والعمال تعاملهم يشكرون عليه وهذا دليل على طيب راعي المكان الله يبارك له في حلاله وعياله

صراحة المكان يفتح النفس، نظيف ومرتب والأجواء تهبل. استقبالهم وتعاملهم يبيض الوجه وما قصروا معنا أبد. كل شيء كان جميل ومرتب، وإن شاء الله لنا زيارة ثانية. يستاهلون خمس نجوم وبقوة

الحمدلله جلسنا فيه 5 ايام من اجمل المنتجعات من ناحية النظافه والخدمات من والي متكامل والغرف فندقيه والتكيف روعه وتعامل صاحب المنتجع جداً جداً راقي الله يوفقه يارب وعمال المنتجع يجننون وخدومين وسرعة استجابتهم اذا تواصلنا معهم بدون مبالغه لنا عشر سنين نجي لحايل ماشفت مثله بس لويضيف عقود لمبات ويعيبه المسبح الموجود بس حق اطفال الله يبارك لصاحبه

خيال خيال خيال اخذنا🏡 المنتجع خمسه ايام من اسعد 😌الايام صراحه المكان هو الي يعدل النفسيه النظافه ✨ ماشاالله والريحه تجنن حاط اروماتك بكل غرفه والاثاث جديد 🪑والمطبخ 🥄🍽️🍴🧻🧴🧼متكامل وفيه ثلاجه بالمطبخ الداخلي وثلاجه بالمطبخ الخارجي وفيه فرن المندي وفيه 6 غرف 🛌🛏️نوم وملحق خارجي. مفروش يصلح لنوم وفيه مجلس ضيافه يواجه بس يبي زياده انوار 💡صفر للمطبخ وعقود🔌💡💡 لمبات صفر للخارج مكان الجلسه الي برا والعامل 👳🏿‍♂️ يجننن مادري صومالي اهم شي انه افريقي يلبس ثوب🥋 كنه من رجالنا خدوووم مره حسينا انه جزئ منا ومالك 🧔🏻‍♂️المنتجع ذوووووق ومحترم. يهبل ماشالله عليه وكريم 🤲🏻الله يباركله بحلاله وماله وعياله

مدة الاقامة 5 ايام ، منتجع جدا جميل ومرتب ونظيف يفتح النفس و اورماتك بكل فيش موجوده ماشاءالله ريحته روعه تعامل صاحبه راقي ومحترم ومتجاوب عسى ربي يبارك له بحلاله والعمال مره محترمين ومؤدبين ويدخلون المنتجع يفرشون السجادات وينظفون طبعا بعد الاستأذان ماشاءالله عليهم وتنظيفهم يجنن .., جزاكم الله خير على الاهتمام 🫶🏻🥹