مزرعة فجر للإيجار اليومي

كل الشكر والتقدير لصاحب المزرعة على حسن التعامل. المزرعة جميلة جداً ونظيفة، واستمتعنا بقضاء يومين فيها، وكل من كان معنا أعجب بالمكان وأثنى عليه ومدحه، وكانت تجربة رائعة. شكراً لكم، وبإذن الله لنا زيارة أخرى

المزرعة مرتبة ونظيفة وشرحه ونفس الصور بالضبط حتى ريحة الحيوانات توقعت تصير قويه ومزعجة بس كانت بعيدة ومقبولة جدًا ( مع انه موسم صيف ) التعامل وسرعة الرد ١٠/١٠ سواءًا من اصحاب المزرعة او الحارس السعر مناسب جدًا وتجربة جميلة كل ضيوفنا انبسطوا شكرًا لكم💕

استأجرناها 9 ايام ومن اول يوم دخلنا والمكان غير مريح ومليان حشرات ما تقدر تجلس برا ولا داخل كله ذبان وحشرات وحر المكيفات حاره جداً وجابوا لنا صحراوي لكنه ما فاد كان الجو حر ما ننكر جمال المكان لكن كله حشرات وخصوصاً الحمامات كانت كأنها حمامات محطه للأسف وفيه ريحة مجاري في داخل المكان تواصلنا معهم وكان ولكن انكروا وجود هذي المشاكل وقالوا غير صحيح وما قدرنا نكمل المده كامله لدرجة اننا طلعنا في خامس يوم وللأسف من سوء تعاملهم طفوا الكهرب علينا عشان قلنا ان المكان كله حشرات وما نقدر نكمل باقي الايام وما تهنينا فيها وما واجهت منهم الا سوء المعامله والدعاوي اللي بغير حق وللعم عطيتهم فلوس الخمس ايام كامله بالوفاء والتمام وزوياده بعد لأنهم كاتبين الايام غير الويكند ب 1000 و الويكند ب 1450 ويوم جينا ندفع قالوا كلها تنحسب ويكند لأنها اجازة طلاب!!!! وسددنا لهم كامل المبلغ مع انه المفروض اقل لكن نبي نبعد عن المشاكل وكان تعاملهم سيء ودعاوي واتوقع ما عندهم تصريح تأجير مبيت بعد

ماشاءالله تبارك الله المزرعه حلوه وشرحه اختي الله يبارك لكم ويرزقكم من فضله 🫶❤️👍

مزرعه مصغره جميله فيه ملعب كرة قدم اكثر من رائع وأيضاً منطقة ألعاب ورمل ومسبح اطفال بألعاب مائية وحظائر لمجموعة من الحيوانات الأليفه وغرف كثيره تعتبر بيت كامل ومسطحات خضراء ونخيل ممتعه ممكن يعيبها فقط موقعها منطقه نائية

المزرعه جميله وشرحه مساحتها واسعه من غرف ومجالس ودورات مياه تناسب العوايل الكبيره ماشاء الله ربي يبارك لأصحابها .. سعرها ممتاز خاصه مع تنوع الفعاليات من حيوانات وألعاب مائيه وملعب الكره.. وأحسن مافيها الجلسه بين النخيل