شاليه فيلا ملاذ

ما شاء الله الاستراحه حلوه ونظيفه وتعاملهم جميل جدا حتى الحارس محترم وكويس جدا ربي يعطيهم العافيه🤍🤍

من أجمل الأماكن اللي زرتها فعلًا 🤍 الشاليه ما شاء الله يفوق الوصف، من أول ما دخلت حسّيت كأني سافرت لمكان ثاني تمامًا، المكان شرح بشكل يفتح النفس، مريح ومرتب، والفايب كان خيال، هدوء وخصوصية وراحة، وكل تفصيلة فيه تعطي إحساس بالفخامة والاهتمام. وأكثر شيء لفتني النظافة، المكان نظيف جدًا جدًا وكل شيء مرتب، وحتى ريحة المكان كانت جميلة جدَا، وتعطيك إحساس إنهم مهتمين بأدق التفاصيل🤍. والخدمة ممتازة جدًا 👌🏼 مضيف الشاليه شخص محترم وطيب ومتعاون ومتجاوب جدًا، وما قصر معنا أبدًا، واضح جدًا إنه يهتم براحة الزوار، وهذا انعكس على التجربة كاملة. ومن الأشياء اللي عجبتني بعد إن الخدمات متوفرة بشكل كامل وكأنك في فندق؛ فيه نت، وكل احتياجات المطبخ وآلة قهوة ومستلزمات الحمامات أكرمكم الله، وما حسّينا إن ناقصنا شيء، كل شيء مرتب ومجهز بطريقة تخليك تدخل وتستمتع بدون ما تشيل هم أي تفاصيل. وكذلك الحارس كان في قمة الاحترام والتعاون، خدوم جدًا وأخلاقه عالية، وما قصر معنا أبدًا. بصراحة التجربة من أول دخولنا إلى وقت خروجنا كانت أجمل من المتوقع، من الأماكن اللي أوصي فيها وأنا مرتاحة جدًا، وأكيد له رجعة بإذن الله🤍 شكرًا لمضيف الشاليه على حسن التعامل والاهتمام، وشكرًا للحارس على تعاونه وأخلاقه، الله يعطيكم العافية، وما قصرتوا معنا أبدًا، وكانت تجربة جميلة جدًا

اتعب وانا اقول المكان خيال ومريح يستحق الزيارة التعامل مع الاداره رائع متعاونين والمكان شرح واستجمامي فعلا ملاذ وكل زاويه خيالييه

أكثر من رائع والله مهمتين بأصغر التفاصيل، شيء خيالي تبارك الرحمن حقيقي مكان مبهر ونظااافة والروائح الحلوه وكل شيء متوفر، مصمم بعناية ربنا يبارك لهم فيه