شاليه لايت هاوس

المسبح كان ممتاز و نظيف و درجة برودته جيدة ✔️ لكن للامانة الشالية مو نظيف كنباته و سجادته تحتاج تنظيف و مطبخه و أدواته مب نظيفة الثلاجة قديمة و ماتبرد زين وهي اهم شي بطلعات الصيف !

تجربة سيئة جدًا ولا تستحق التقييمات العالية للأسف الشاليه كان وصخ جدًا والغبار والأوساخ بكل مكان، وخصوصًا المطبخ والثلاجة، وهذا شيء غير مقبول أبدًا، خصوصًا أني استأجرت المكان بناءً على التقييمات العالية والتعليقات اللي تمدحه. مكيف الغرفه الداخليه حار الثلاجة كانت خربانة وما كانت تبرد نهائيًا، وهي من أهم الأجهزة في الشاليه. تواصلت مع صاحب الشاليه وقال بيجي العامل يصلحها، وجلس العامل تقريبًا ساعة يحاول يصلحها، وبعدها قال إنها تحتاج ساعتين عشان تبدأ تبرد. طيب أنا أصلًا جايه لفترة محدودة، وعلى بال ما تمر الساعتين وتبدأ الثلاجة تبرد أكون أنا خلاص بطلع من الشاليه! وطلعت فعلا ولا بردت ومعي كان اغراض لازم تكون بالثلاجه ، وبسبب خراب الثلاجة خربت أغراضي وفوق هذا كله، المكان من الأساس غير نظيف، والغبار والوصخ واضح في أكثر من مكان، والمراوش والماء ضعيف، والمسبح فيه زي المسمار خطر للاطفال يعني دفعت قيمة شاليه على أساس أنه نظيف وجاهز لكن للأسف التجربة كانت عكس ذلك تمامًا. واللي يعطي تقييم عالي للمكان، أتمنى فعلًا يكون صادق في تقييمه، لان التقييم امانه وبيحاسب عليه ولأن التقييمات هي اللي خلتني أختار الشاليه، وفي النهاية اكتشفت أن الواقع مختلف تمامًا. التقييم مو مجرد نجوم، التقييم مسؤولية لأنه ممكن يكون سبب في أن شخص ثاني يدفع ويحجز بناءً عليه. أتمنى من صاحب الشاليه يهتم بالنظافة وصيانه المكيفات والمسبح قبل استقبال المستأجرين، لأن اللي حصل معي تجربة سيئة جدًا ولا تستحق السعر ولا التقييمات الموجودة

استاجرت الشاليه بناء على التقييم على اساس الكل يقول نظيف لكن انصدمت من كمية الوصاخه والثلاجه خربانه كل الاغراض اللي معي خربت والمكيفات ماتبرد والغرفه الداخليه الارضيه وصخه بشكل مقرف والمطبخ مب وصخ اللي بعده 👎🏼 تفشلت مره مره من ضيوفي صراحه مايستاهل ولا ريال

زين ونظيف والتشجير يوسع الصدر بس الحمامات مع الاسف المراوش كلها ضعيفة والطشاشات ضعيفة وحمام المسبح مقفلينه عشانه متعطل لكن النظافة💯💯💯💯💯

‏الشاليه يعني فخم فخم فخم يستاهل

جميله جدا