شالية نايت

زرت الشاليه يوم الثلاثاء تاريخ ٢/٢٨ وبصراحة المكان حلو وواسع ومُرتب بس فيه كم ملاحظة أتمنى تأخذونها بعين الاعتبار أولها درج مسبح الأطفال مررره خطر وياليت تحطون عليه سور حماية أو تغيرون تصميمه عشان سلامة الأطفال وثاني شيء النظافة تحتاج اهتمام أكبر لأن مفرش السرير عليه بقع وطاولات الاستقبال جداً وسخه وكنب السينما أغلبه مبقع وآخر شيء الستاير خفيفة وما تعزل الشموس أبداً وأتمنى تتقبلون ملاحظاتي عشان يتطور المكان للأفضل وشكراً لكم

كان صعب الصراحة التواصل مع الحارس لازم أسجل فويس عشان يفهمني واذا هو فهمني انا ما افهمه غير غرفة السينما الي ما اشتغلت معانا وكل ما تواصلنا معاهم قالوا تواصلوا مع الحارس جدا ارهاق، يعني هم اسلوبهم كان جيد الحمد لله ما انكر لكن الأسلوب ما كان يفيدنا في ذي الحالة انا وصديقاتي كان جزء من خطتنا غرفة السينما لكنها تكنسلت بكل بساطة واحنا كان يمدينا طبعا ندفع نفس المبلغ على استراحة فيها ميزات ثانية لكننا دفعناها بدون ما نستفيد من السينما حتى، وآخر ملاحظة الأثاث ما كان نظيف النظافة المطلوبة يعني كنت الصدق متقرفة اجلس في الجلسة الخارجية لأن واضح انه مكبوب عليها كل شيء ممكن ينكب في العالم وتاركينها بدون تنظيف

شكرا لكم ع التعاون

المكان جميل يستحق الزيارة