شاليهات فيوليت - Violet

اخذنا شاليه بغرفتين نوم وملحق خارجي ومسبح وصالة وطاولة طعام وحلسة خارجية ومدخل للسيارة وحقيقة الشاليه واسع وحلو والمطبخ فيه غسالة ملابس وثلاجة وفرن ومايكرويف وعدد ٦ صحون وكاسات واكواب فقط فيه بعد كورنر للكوفي (كبسولات) ملاحظتي عليه كانت في نقطتين الاولى بصراحة انعدام النظافة يعني الشاليه من الاول مو نظيف تحس انه مهجور من زمان الغبار على الاسطح وعشعشة في الزوايا والمويه كم مرة يتغير لونها الثانية كانت في عدم المصداقية وصار لي معهم مواقف موقف للمسبح اتفقت مع الموظف على سعر الشاليه وشرطت تغيير موية المسبح قدامي ووافق على الشرط لاني ماخذة الشاليه لمدة اسبوع واتصلت قبل الوصول اتأكد من جاهزية الشاليه ويرد علي صاحب الشاليه ورفض تغيير المويه الا بزيادة مبلغ ورغم اني شرحت له اللي صار واني دافعة مبلغ كبير وللايجار ومشروط تغيير المويه الا انه اصر على موقفه وهذا الشي زعلني ولولا ان الرحلة كان باقي عليها اقل من ٢٤ ساعة والا كان كنسلت اتفاقي معهم وطلعت الثانية كانت في المطبخ، وقت الحجز سألته عن اواني المطبخ قال مطبخ متكامل وللاسف مالقيت شي غير صحون وكاسات اضطريت اشتري عزبة طبخ كاملة وبما ان وصفه انه فندق فتوقعت يوفر الصابون والشامبو والمناشف وغيرها من الخدمات الفندقية لكن لم اجد ما يدل على الخدمات الفندقية كما تم طلب سرير مفرد ولم يتم توفيره بشكل عام كبنيان لا بأس به ويعتبر جديد نوعا ما لكن كخدمات اعطيه اقل من نجمة تعليقي لا يعتبر مدح ولا ذم وانما سرد لما واجهنا.. اتمنى من صاحب الشاليه بما انه اهتم في البنيان ان يكون الاهتمام مشمول بالتفاصيل المريحة وكذلك النظافة وهي عامل مهم جدا وخدمة العميل بما يتم الاتفاق عليه سواء منه شخصيا او من موظفيه.

شاليهات جيدة ولكن تحتاج نظافة او تغيير الأثاث وصيانة الدورات واماكن ادوات النظافة