شاليهات واكواخ ماريسا

السلام عليكم ورحمة الله وبركاته ،انا رايح اقيم المكان بالأمانة الي احنا محاسبين عليها امام الله لان كثير من الناس يعتمدوا للتخطيط لاجازتهم في هذه الأماكن على تقييم الناس ، اولا المكان نظيف وجميل للامانه ،وثانيا الأجواء رائعه والتعامل جدا راقي، وانبسطت العائله ولله الحمد لكن للأسف كثير من الخطط خربت لان صيف يعني استراحه يعني مشروبات بارده وايسكريم ووجدنا الثلاجه ما تشتغل ودافئه، الايسكريم ذاب الثلج ذاب شوربنا العصائر دافئه ،فريزر الثلاجه برد بعد ثلاث ساعات بعد ما ذاب الايسكريم لكن للامانه برد تبريد جيد لكن الثلاجه لم تبرد اطلاقا وكان بداخلها جميع الاطباق واضطررنا إلى اخرجها ووضعها امام المكيفات ،المفروض تشغيل الثلاجه قبل حضور العملاء ب١٢ ساعه على الاقل والتاكد من جودة عملها .

ماشاء الله كانت تجربه جميله لكوخ الجوري من حيث نظافة الغرف والمطبخ وتبريد الثلاجه جدا ممتاز وتبريد المكيف ممتاز ٫٫ وعمق المسبح ممتاز وكبير ماشاءالله ونظييف ومافيه ريحة الكلور لا مسبح الكبار ولا مسبح الاطفال ٫٫ لكن عندي كم ملاحظه لاتعيب بالاكواخ ابدا : لكن ياليت صاحب الاستراحه ينتبهلها انه مظلم شوي عند المسبح ولازم يجعل المسبح متصل مع دخلته على اساس لا احد يطيح وياليت والله لو ينشال التراب الي بالحوش ويصير الحوش كله واحد ٫٫ تكون افضل مساحه للعب وافضل من حيث النظافه لانه التراب مع المويا يعدم نظافة الكوخ

افضل شاليه اخذته ويستاهل حسب الصور والاعلان ومكان حلو ونظيف جدا ورايق ومناسب للعائله والكبار وجلسته حلوه ومتوفر فيه كل الخدمات ويوجد توصيل طلبات للموقع وموقعه مناسب على الشارع العام واتمنى أيضا من العملاء يحافظوا على المكان ويتركوه مرتب ونظيف بالمثل . الف شكر للمالك والحارس على حسن التعامل والاحترام والتقدير للعملاء اتمنى لكم مزيد من التوفيق والله يبارك لكم